Ola:
Dende a biblioteca do CEIP Baños de Molgas queremos darvos a benvida a este blogue e abrirvos as portas da nosa biblioteca de centro Ler está de moda.
Este blogue nace co propósito de informar á comunidade educativa do centro daquelas actividades que se van levar a cabo durante o curso académico co fin último de potenciar e animar á lectura a todos os membros que integramos o centro, xa que cremos firmemente que a lectura é chave de chaves: abre portas, xanelas, ollos, cabezas, corazóns...
Esperamos que gocedes moito connosco, que fagades as aportacións que consideredes necesarias -sempre estaremos encantadas de escoitarvos- e que desfrutedes da lectura durante toooooda a vida.
Un saudiño para todas e todos!!
