Este venres 8 de novembro celebramos no cole o Magosto cun montón de actividades xa dende a primeira hora da mañá a pesares de que o tempo non nos acompañou moito...
Pola mañá, todos os nenos e nenas desfrutaron dunha película moi divertida na biblioteca: Aladino.
Ó rematar, o patio cuberto serviu de espazo para correr e gozar ata a hora de comer dado que a chuvia fixo acto de presenza en non poucas ocasións...
Debido a este feito, a comida do magosto (empanada, bocata de chourizo, bica, tarta de mazá e refrescos varios) levouse a cabo no comedor do cole, onde nos alegramos moito de contar coa presenza de moitos pais e nais que non quixeron deixar pasar a oportunidade de compartir a festa cos seus nenos e nenas.
Despois de comer, asamos as castañas no patio cuberto e, ademais de comelas, non puidemos deixar de pintar, como en todo bo magosto que se precie, a cara cos tizóns do lume e de pasar unha tarde moi feliz tod@s xunt@s.
