Para comezar ben o ano en xeral e, en particular, na nosa biblioteca, estamos a inaugurar este mes de xaneiro un precioso mural que cremos que é unha metáfora perfecta do que significa a lectura: a apertura a outros mundos e a outras realidades máis alá da nosa, en palabras da grande Sés: "un candil que nos asome ó infinito".
Con esta pintura tan ilustrativa como fermosa queremos animarvos a todas as nenas e nenos do colexio de Baños de Molgas a seguir lendo, a seguir tendo a biblioteca como referente importante e a seguir abrindo xanelas para evitar que se vos cerren portas.
Gozade del e boas lecturas!
