Novo blogue de orientación!

Boas a tod@s novamente!

Reproducimos a continuación a mensaxe que nos fai chegar Iria, a xefa do Departamento de Orientación do colexio, así como a dirección dun blogue de orientación que de seguro lle ides sacar moito proveito. Non dubidedes en navegar por el e en participar!

«Xuntarse é un comezo, seguir xuntos é un progreso e traballar xuntos é un éxito” dicía Henry Ford.

Nestes días de incertidume e inquedanza, o profesorado deste e doutros colexios tentamos aportar o noso esforzo e enxeño para axudar ao alumnado e ás familias a levar con alegría e ilusión esta etapa, que aínda que diferente, vai ser de seguro moi produtiva.

Son días de lectura, de aprender a bordar, de xogar cos irmáns, de cociñar en familia, de contar historias ao redor da lareira.

Desde o mundo da Orientación, queremos aportar algunhas ideas que vos poidan axudar tamén.

Nesta páxina, colgaremos artigos e ligazóns que poidan ser do interese de profes, familias e escolares:

https://orientanocole.blogspot.com

Seredes moi benvidas e benvidos!