Antes de que remate o ano, e como colofón ás actividades que se levaron a cabo ó longo deste trimestre na biblioteca, gustaríanos presentarvos un novo recuncho que estamos a inaugurar: o Recuncho da Igualdade.
Este recuncho pretende ser unha ferramenta máis para a loita contra a violencia de xénero e a favor da igualdade entre nenos e nenas. Contén títulos tan significativos como Pipi Mediaslongas, O país dos mandóns, Rapunzel con piollos ou Pioneiras 1 e 2. Libros coeducativos que tratan de desmontar estereotipos tradicionais e dar unha visión alternativa máis xusta e igualitaria.
Dende xa, o noso alumnado pode facer uso deste recuncho e desfrutar coas marabillosas historias que contén. Dádelle moito uso!!
